30 Joer Ländlech Entwécklung

30 Joer ländlech Entwécklung: Flott Gebuertsdagsfeier am Cube 521 zu Maarnech mat prominente Gäscht, witzegen Anekdoten an intressante Fakten. An 30 Joer waren dat iwwer 1.000 Projeten déi realiséiert goufen fir d'Liewensqualitéit am ländleche Raum ze verbesseren. An dem Kontext huet de Minister Romain Schneider ënnerstrach, datt och an Zukunft den "Développement rural" net u Wichtegkeet wäert verléieren, mä datt en kontinuéierlech un déi heiteg Begebenheeten an un d’Erausfuerderungen um Terrain muss ugepasst ginn. An dobäi wäert sécherlech och den nohaltege Gedanken am Ëmgang mat de Ressourcen weiderhin eng wichteg Roll spillen.